Kryesia e PD i ka thënë “jo” Sali Berishës. Pas 5 orë e gjysmë debate kryesia ka miratuar vendimin e Lulzim Bashës që mbledhja e Kuvendit Kombëtar të zhvillohet në datën 18 dhjetor dhe jo në 11 dhjetor siç ka paralajmëruar Berisha. Vendimi u mor me 28 vota pro, 3 kundër.
Mesohet se kundër votoi Belind Këlliçi, Aldo Bumci, Ivi Kaso, kurse Edi Paloka dhe demokratët e tjerë mbështetës të Berishës që ishin në mbledhje u larguan duke mos marrë pjesë në votim.
Sakaq, në një konference për mediat ish-kryeministri Sali Berisha u shpreh i vendosur se Kuvendi do të mblidhet në 11 Dhjetor, pasi kanë firmosur delegatët.
