SPAK ka përfunduar hetimet për 4 të arrestuarit të cilët do të gjykohen për akuzën e vjedhjes me pasoja të rënda, grup i strukturuar kriminal, kryerja e veprave penale nga organizata kriminale dhe grup i strukturuar kriminal.
Katër grabitësit u arrestuan gjatë vitit të kaluar në operacionin e koduar “AKUILA 2019”, zhvilluar mes Policisë së Shtetit, Prokurorisë së Krimeve të Rënda, Policisë Franceze dhe organeve të drejtësisë franceze, në koordinim nga Europol. Operacioni u zhvillua në të njëjtën kohë në Francë dhe në Shqipëri. Gjatë këtij operacioni u arrestuan 8 persona, 5 në Francë dhe 3 në Shqipëri.
Asokohe si rezultat i marrjes nën hetim të një familjeje me origjinë kosovare, e cila shërbente si pikë mbështetëse për keqbërësit, u bë i mundur identifikimi, goditja dhe shkatërrimi tërësisht i këtij rrjeti të organizuar kriminal./abcnews.al
