Kryeministri libanez Saad Hariri i ka dhënë një modeleje nga Afrika e Jugut plot 16 milionë euro dhuratë pas romancës që kaluan në ishujt Seychelles disa vite më parë.
Lajmi u mësua pas hetimeve që nisën autoritetet në Afrikën e Jugut për pasurinë e modeles. Rezultoi se Hariri ia kishte dhënë asaj paratë gjatë periudhës që nuk ishte kryeministër.
Megjithatë ende dyshohet nëse 16 milion eurot që kryeministri libanez i dhuroi biondes bukuroshe të jenë para publike, edhe pse pasuria e tij personale shkon në rreth 1.5 miliard dollar.
Modelja Candice van der Merwe u takua me Hariri në vitin 2013 kur ishte 20-vjeçe. Kryeministri, baba i tre fëmijëve, politikani më i fuqishëm Suni në Liban, ishte 43-vjeç.
