Kryetari i bashkisë së Mariupol tha të hënën se mbi se 10,000 civilë kanë vdekur ndërkohë shtoi se numri i të vdekurve mund të kalojë 20 mijë pasi Mariupoli prej javësh është sulmuar nga ushtria ruse. Sipas NBC Chicago, kryebashkiaku Vadym Boychenko akuzoi gjithashtu forcat ruse se kishin bllokuar për javë të tëra autokolonat humanitare në qytet në një përpjekje për të fshehur masakrën atje nga bota e jashtme.
Boychenko tha se forcat ushtarake ruse kanë çuar shumë trupa në një qendër të madhe tregtare ku ka ambiente magazinimi dhe frigoriferë.
“Kanë mbërritur krematoriumet e lëvizshëm në formën e kamionëve: Ju e hapni dhe brenda ka një tub dhe këto trupa janë djegur,”– tha ai.
Boychenko dha detaje të reja të pretendimeve të fundit nga zyrtarët ukrainas se forcat ruse kanë sjellë pajisje të lëvizshme të djegies në Mariupol për të asgjësuar kufomat e viktimave të rrethimit.
