Kryetarja e Delegacionit të PE në Komisionin Parlamentar të Stabilizim-Asociimit BE-Shqipëri, Monica Macovei ka reaguar pas zhvillimeve politike në Shqipëri.
Në reagimin e saj thuhet se me djegien e mandateve dhe me braktisjen e Kuvendit, opozita ka braktisur votuesit e tyre duke mos kontribuuar në afrimin e Shqipërisë me BE-në.
“Unë besoj se qeveria aktuale është në rrugën e duhur, në transformimin e sistemit gjyqësor të vendit. reforma në drejtësi ka sjellë rezultate të prekshme në luftën kundër korrupsionit dhe krimit të organizuar. Fatkeqësisht, veprimet e fundit të opozitës rrezikojnë të dëmtojnë ritmin e ktyre reformave dhe po dërgojnë mesazhin e gabuar tek parnerët europianë. Episodet e dhunshme në të cilat, opozita ka sulmuar institucionet publike dhe gjuha që nxit dhunë, e përdorur nga liderët e opozitës, është e paparanueshme për çdo demokraci europiane”, u shpreh në deklaratën e saj kryetarja e Delegacionit të PE.
