“Partia Drejtësi, Integrim dhe Unitet përshëndet tërheqjen e kandidatit nga zgjedhjet në Kavajë, si një mundësi kompromisi dhe shamngie e konfliktit!”
Si një mundësi kompromisi për zgjidhjen e krizës politike, e vlerëson PDIU tërheqejn e kandidatit të PS-së nga zgjehdjet e Kavajës. Vendimi është bërë publik një ditë më parë nga kryeministri Rama. Pas këtij vendimi, PDIU vlerëson si një hap pozitiv dhe i bën thirrje dy palëve të politikës që të arrijnë menjëherë kompromisin pasi e kanë detyrim ndaj qytetarëve shqiptarë.
Deklarata:
Partia Drejtësi, Integrim dhe Unitet përshëndet tërheqjen e kandidatëve nga zgjedhjet në Kavajë, si një mundësi kompromisi dhe shamngie e konfliktit!
Në realitetin e një vendi evropian, sheshet nuk janë arena e përplasjeve politike. Janë zgjedhjet arena e vetme e demokracisë. Politika shqiptare e ka për detyrë të arrijë kompromis për zgjedhje të lira, të drejta dhe transparente; të jetë politika në shërbim të qytetarëve e jo të trajtohen qytetarët si veglat e politikës.
Sa nuk është vonë, klasa politike duhet të reflektojë e të kuptojë pasojat afatgjata që i lë vendit një sjellje e papërgjegjshme e elitës së saj!
