Zëvendës/Ndihmës Sekretari i Shtetit amerikan, Hoyt Brian Yee, ka përfunduar takimin me kryeministrin Rama pas rreth 80 minutash për tiu drejtuar më pas kryesisë së kuvendit ku po takohet em Ilir Metën.
Në orën 11:52 minuta, Hoyt Brian Yee mbërriti në Kryesinë e Kuvendit ku po zhvillon takimin me kryeparlamentarin Ilir Meta.
Pas Metës ai do të takojë kreun e PD-së Lulzim Basha në selinë blu, i cili do të shoqërohet dhe nga aleatët e tij opozitarë. Takimi do të nisë në 14:45.
Ndërkohë në orën 17 të pasdites, zyrtari i lartë amerikan ka parashikuar dhe një takim me deputetët demokratë që kanë shfaqur zërin e tyre kritik brenda Partisë Demokratike, Astrit Patozi, Majlinda Bregu dhe Jozefina Topalli.
Pas krizës politike 86 ditore dhe pas dështimit të të gjitha negociatave të bëra deri tani, vizita e Hoyt Yee shihet si e fundit që mund të sjellë normalitetin politik në vend.
Para mbërritjes në Tiranë, Zëvendës/ndihmës-Sekretari Amerikan i Shtetit, Hoyt Brian Yee bëri apelin e tij kundër çdo lloj bojkoti.
