Opozita shqiptare e ka dhënë zgjidhjen, pikërisht zgjedhjet e parakohshme. Kur opozita dha propozime për zgjedhje të parakohshme me qeveri tranzitore, u rrit arroganca. Rilindja vazhdon të jetë arrogante. Ajo jo vetëm që nuk i përgjigjet opozitës, por mbush teatrin e Kukullave (Parlamentin). Sa vjen dhe mbushet me marioneta.
Kështu është shprehur kreu i Partisë Drejtësi, Integrim dhe Unitet në një deklaratë për mediat referuar zgjidhjes së krizës në vend.
Idrizi ka renditur shkaktarët e krizës që sipas tij nuk është vetëm politike, por padyshim ka prekur të gjitha fushat qoftë atë gjyqësosore, ekonomike etj.
Kreu i PDIU-së gjithashtu ka deklaruar se opozita nuk do të futet në zgjedhje, pasi është një opozitë e lirë dhe demokratike dhe jo opozitë fasadë.
“Klima politike është shumë e ngarkuar. Sot Shqipëria është në një krizë shumë dimensionale. Krizë e cila i ka fillesat në zgjedhjet e kaluara parlamentare.
Ju kujtoj faktin që The Economist e rendit Shqipërinë në vendin e 79 drejt autoritarizmit.
Kodi zgjedhor u shkel në një marrëveshje Basha-Rama. Ne të gjithë e votuam reformën në drejtesi, me shpresë që reforma do të kishte sistem autoimun, ai që do të detyronte edhe sistemet e tjera të vendosej në hulli. Sot ne nuk kemi një Gjykatë të Lartë, një Gjykatë Kushtetuese. Jemi pa albitër.
Të gjithë pushtetet janë me një dorë, sigurisht demokracia është jo funksionale. Kësaj krize i është mbivendosur kriza ekonomike. Me taksat më të larta. Familje shqiptare jeton vetëm me 5000 lekë të vjetra. 400,000 mijë shqiptarë janë larguar vetëm në 4 vitet e fundit. Janë pikërisht të rinjtë, kapitali njerëzor ata që duan të braktisin vendin. Mosha mesatare ka shkuar 47 vjeç nga 26 vjeç.
Rilindasit thonë që pensioni duhet të shkojë 70 vjet, pikërisht sepse sistemi i sigurimeve shoqërore është drejt kolapsit.”
https://www.facebook.com/pdiu.al/videos/1010505965809941/
