Kristi doli nga shtëpia e Big Brother Vip, pas nominimit me Oltën dhe Armaldon.
E para që shpëtoi ishte Olta. Më tej, prezantuesja e emisionit Arbana Osmani tha se publiku kishte vendosur që nga shtëpia të dilte Kristi.
Por, bileta që hapi Kristi ishte vajtje-ardhje dhe e riktheu në shtëpi.
Prime-n e kaluar, Luiz Ejlli u vu përballë kutisë së Pandorës, e ashtu siç ishte e pritur, nuk ngurroi aspak t’a hapte. Atij iu dha mundësia për të takuar dy miqtë e tij më të mirë, e nga ana tjetër duhet të nxirrte në nominim tre prej banorëve.
Me të lexuar pjesën e nominimit, Luizit iu deshën më pak se tre sekonda për të përmendur emrat e banorëve, Kristi, Armaldo dhe Olta, të cilët janë të zgjedhurit për të shkuar “kokë më kokë” në nominim. Publiku u pyet: Kë doni të eliminoni?
