Kreu i Partisë Demokratike në degën e Fierit, Luan Baçi, publikon një video në “Facebook”, ku duken qytetarë të shumtë në pikat e tregtimit të mallrave, teksa bëjnë pazarin, pasi nga ora 13:00 e ditës së sotme është mbyllur gjithçka.
Baçi i drejtohet kryeministrit Edi Rama, duke i thënë se të gjithë shqiptarët janë në luftë me virusin, që luftohet nga mjekët dhe jo nga kryeministri.
Mesazhi i ish-deputetit:
Fieri sot !
Kufizimi i lëvizjeve me orare të caktuara, ka bërë, që të ketë një dyndje shumë të madhe të qytetarëve ne pikat e tregtimit të mallerave të ndryshëm.
Nuk ruhet distanca 1m nga njëri tjetri dhe kjo jo për faj të tyre, por të detyruar nga kushtet e krijuara të mbipopullimit të detyrueshëm nga fashat e orareve.
KM del, dhe shpall tradhtare dhe armiq, ben presion dhe mbjell frike dhe panik, pa arritur te kuptoje se me kete menyre komunikimi, nuk u vjen ne ndihme qytetareve te vete, por ben te kunderten e asaj qe duhet.
Dikush ti thotë se qytetarët në 95% të tyre po bëjnë vetëizolim se janë të ndërgjegjshëm për atë që duhet të bëjnë dhe jo se u thotë KM ynë i kudogjendur dhe që di çdo gjë.
Dikush ti thotë KM, se duhet ti drejtohet popullit të vetë, me fjalët ” Te dashur motra dhe vellezër…” dhe tu bëjë thirrje, për të zbatuar udhëzimet e mjekëve specialistë, pasi jemi në luftë me një virus dhe ky armik luftohet nga mjekët dhe nga mjekësia dhe jo nga KM i strehuar në bunker, me ushtri dhe polici në rrugë me tanke dhe mitroloz.
Por siç duket KM tonë i pëlqen dhe ndihet i relaksuar që të lejë përshtypjen se qytetarët i fut me urdhër ky dhe se çdo gjë varet nga po ky.
Dhe ne të themi, “si lum ne që ju kemi” po pse jo, të kemi dhe pak frikë nga ky zotëria i gjatë
Të dashur motra dhe vellezër, bashkëqytetarë kudo që ndodheni, të mirëkuptojmë dhe të bashkërëndojmë punët, të jemi seriozë dhe korrektë në zbatim të kësaj karantine të vështire por shumë të domosdoshme, për kapërcimin e kësaj situate të jashtëzakonshme që po kalojmë.
