Prej ditësh të gjithë presin zhvillimin e bisedimeve mes Zelenskyt dhe Putinit. Por, ditën e sotme Rusia është shprehur se nuk ka marrë ende një kërkesë që presidenti Vladimir Putin të bëjë një bisedë telefonike me homologun e tij ukrainas, Volodymyr Zelensky. Zëdhënësi i Kremlinit Dmitry Peskov është shprehur më herët se mundësia e një takimi mes dy liderëve nuk përjashtohet.
Zelensky ka bërë thirrje më parë për bisedime kokë më kokë me Putinin, pasi është shprehur se kjo do të ishte mënyra e vetme për t’i dhënë fund luftës. Peskov tha gjithashtu sot se nuk ka pasur diskutime për një takim të mundshëm midis Putinit dhe presidentit amerikan Joe Biden. Disa ditë përpara se trupat ruse të pushtonin Ukrainën, Shtëpia e Bardhë tregoi se çdo takim i tillë fillimisht do të kërkonte një de-përshkallëzimin të situatës nga ana e Putinit.
