Këngëtarja shqiptare me famë botërore, Rita Ora që i ka dhënë jehonë Shqipërisë me sukseset e saj, e ka treguar gjithmonë me krenari prejardhjen, qoftë në intervista apo edhe në projekte muzikore.
Por siç duket Kosova ka menduar t’i bëjë yllit shqiptar një surprizë të veçantë në ditën e saj të lindjes. Më 26 nëntor, imazhi i saj do të lëshohet në qarkullim në pullat postare të Filatelisë së Postës së Kosovës.
Me rastin e lancimit të kësaj pulle postare, Kryeshefja Ekzekutive e Postës së Kosovës, Fakete Kadiu ka shprehur mirënjohje për Rita Orën.
Lexo edhe: “Uroj që BBV2 të mos ketë “Ilir dhe Donald”, Arbana zbulon detaje
“Është një nder për Posten e Kosovës të nderoj Rita Orën. Ajo na ka dhuruar aq shumë momente të bukura dhe krenari të pafund me këngë, performancë dhe koncerte madhështore. Kjo pullë e bukur le të jetë edhe si dhuratë simbolike e Kosovës për këngëtaren tonë, në këtë ditë të veçantë për të, për kontributin e jashtëzakonshëm për vendin dhe kombin tonë“, ka thënë Kadiu.
Ora ka shfrytëzuar çdo rast që përmes famës së vet të promovojë vendin e saj të lindjes, Kosovën, si dhe tërë kombin shqiptar.
