Deputeti i PD-së Saimir Korreshi ka konfirmuar edhe njëherë tjetër se do të jetë pjesë e protestës së datës 7 Korrik, pavarësisht se askush nuk e ka pyetur për caktimin e tij në grupin e punës për organizimin e demokratëve.
Me batutë, njësoj siç u shpreh edhe dje në rrjetet sociale, Korreshi tha se kostumi i është prerë edhe pse masa nuk i është marrë ende, duke lënë të kuptohet se askush nuk i ka marrë mendim. Deputeti vijoi më tej duke thënë se duhet ti jepet fund ndarjes së demokratëve në të Bashës dhe në të Berishës.
“Kostumin ma kanë prerë, por masën nuk ma kanë marrë akoma. Në protestë do të marr pjesë, ne jemi çdo ditë në kontakt me strukturat dhe me demokratët. I kemi dyzuar, ka demokratë kundër kësaj qeverie që duan të vijnë në protestë, jo se janë me njërin apo me tjetrin. Duhet ti japim fund kësaj”, tha Korreshi.
