Deputeti i Partisë Demokratike, Saimir Korreshi në mbledhjen e Komisionit të Ligjeve ka kritikuar projektligjin për “Agjencinë për dialog dhe bashkëqeverisje”, që u prezantua sot nga ministrja Elisa Spiropali.
Gjatë fjalës së tij, Korreshi ironizoi projektligjin që qeveria kërkon ta kthejë në ligj, ndërsa iu drejtua me disa pyetja ministres.
“E di si më duket, si çorape leshi e veshur në behar që është grisur te gishti. Kjo agjenci ka shkelur ndonjë ligj? Ku është ajo hierarkia e ligjit. Si ka operuar? Ju deri tani thoni 43 mije, një shifër e tillë? Sa do të jetë ajo zgjidhja që ky ligj do të ketë konkretisht? Tjetër që kam shumë problem, për sa i përket konfliktit që krijon me gjykatën administrative? Doni ta hiqni gjykatën? Tek ligji propozoni që do marrë vërejtje, do t’i shkulim veshin, do i heqim ditën e punës, por ligji parashikon që veprimet dhe mosveprimet bëjnë shpërdorim detyre. Kjo agjenci ka çuar ndonjë port shpërdorim detyre gjatë këtyre viteve? Nuk ka ndonjë kryetar bashkie i emëruar nga ju që nuk e firmos këtë, por si do të jetë koordinimi me pushtetin vendor? I keni menduar këto? Ligji është vetëm perde po s’ka dritare. Kësaj dritares çfarë do i bëjmë?” u shpreh ai.
