Edhe pse jemi në mes të pranverës, gjatë ditës së diel kemi përjetuar temperatura dimërore, ku në zonat veriore dhe juglindore të vendin nuk kanë munguar as reshjet e dëborës. Reshjet e borës kanë përfshirë zonat malore në Korçë. Ndërkohë që në Dardhë, Voskopojë dhe Vithkuq, raportohet për reshje të dobëta dëbore. Mirëpo, këto reshje nuk kanë krijuar vështirësi për qarkullimin e mjeteve.
Me anë të një postimi në Facebook, Autoriteti Rrugor Shqiptar ka njoftuar se në juglindje të vendit kanë nisur reshjet e dëborës, ndërkohë që në vendngjarje janë mjetet borëpastruese për të bërë të mundur hapjen e rrugëve.
“Filluan reshjet e dëborës edhe në Qafë Plloçë-Pogradec Po punohet me mjetet borëpastruese për të bërë pastrimin e akseve dhe shpërndarjen e kripës. Qarkullimi kryhet pa probleme. Përdoruesit e rrugës të bëjnë kujdes në lëvizje dhe të respektojnë sinjalistikën rrugore të reduktojnë shpejtësinë për shkak të lagështisë në rrugë” – thuhet në njoftimin e Policisë.
