Në fjalën e tij të fundit si kryetar i LSI, Ilir Meta deklaroi se pas marrjes së postit të kreut të shtetit pas 24 korrikut, nuk do të ndikohet nga bindjet politikë që ai ka.
“Unë qe përpara sfidave që pavarësisht bindjeve të mija eurosocialiste pas 24 korrik do tregoj se nuk do ndikohem nga bindjet e mia politike. Ju keni një sfidë më të lehtë se edhe pa Ilir Metën ju jeni një forcë për paqen sociale dhe triumfin në tërësi. Dua të shpreh disa falënderime. I pari i shkon nismëtarëve të themelimit të LSI që hapën një faqe të re në demokracinë shqiptare”, tha Meta
Në Konventën e LSI, Meta tregoi rrugëtimin e kësaj force, gjithashtu duke kujtuar koalicionin me PD. “E di që shumë nga LSI nuk u pajtuan me koalicionin me PD”, tha Meta.
“Kjo është fjala më e shkurtër që unë kam mbajtur ndonjë herë në një Konventë. Nuk dua të ndal entuziazmin tuaj, por dua që përmes qetësisë tuaj dua të komunikojë dhe me gjithë anëtarët kudo që janë në gjithë Shqipërinë. Ju falënderoj shumë që e mirëkuptuar dhe pse me pak vështirë zgjedhjen time si president i vendit, duke kuptuar dhe mirëkuptuar atë si një investim që jo vetëm unë, por mbi të gjitha si një investim që çdo anëtar bënë për LSI-në. Lindi si një forcë për demokraci, si një forcë për integrimin më t shpejtë të Shqipërisë. Lindi si një sfidë ndaj arrogancës së qeverisjes së kohës, jo vetëm si sfidë e Ilir Metës, por dhe gjithë shqiptarëve, ndaj një regjimi dy partiak në Shqipëri. LSI ka përpjekje konsensuale, forca më e lartë morale për zgjedhje të lira dhe demokraci në Shqipëri”, tha Meta.
