Policia e Korçës ka arrestuar 7 persona, tre prej tyre doganierë si dhe 2 punonjës policie.
Pas hekurave përfunduan Florenc Gaxho, përgjegjës turni në Kapshticë, Fredi Blushi doganier, Gentian Keco doganier, Sali Dervishi kontrollues në doganë.
Po ashtu, në pranga ranë Klodjan Korcari, Xhuljano Skenderasi, Gazmir Shkembi, ndërsa të shpallur në kërkim janë shtetasit me inicialet G.A dhe S.SH.
Policia bën me dije se shtetasit e lartpërmendur janë kapur në flagrancë duke transportuar veshje të ndryshme të dyshuara kontrabandë, të cilat u sekuestruan në cilësinë e provës materiale.
Ngarkesa me veshje u transportua nga Greqia në drejtim të Shqipërisë, përmes Pikës së Kalimit Kufitar të Kapshticës.
