Kontrabanduesit e emigrantëve kanë fituar rreth 5-6 miliardë dollarë në vitin 2015.
Ata kanë kaluar fshehurazi afërsisht 1 milion emigrantë në Bashkimin Evropian.
Këto shifra janë publikuar nga dy agjenci të fuqishme të zbatimit të ligjit, Europoli dhe Interpoli, përmes një raporti të përbashkët që ka llogaritur përfitimin e kontrabanduesve nga ky lloj trafikimi.
Raporti gjithashtu thotë se më shumë se 90 për qind e emigrantëve që kanë arritur në Bashkimin Evropian janë ndihmuar deri në një pikë të udhëtimit të tyre nga rrjetet kriminale të kontrabanduesve, dhe se shumica e çmimeve të kërkuara nga ta ishin paguar me para në dorë.
Agjencitë dolën me këto vlerësime të përfitimeve të kontrabanduesve gjatë vitit të kaluar duke shumëzuar numrin e arritjeve nga kostoja për individ, e cila, sipas tyre, shkonte nga 3,200 deri në 6,500 dollarë.
