Burrë e grua kanë përfunduar në spital në Pogradec, pasi janë helmuar me lëndë kimike, herbicid. Mësohet se bashkëshortët kanë ngatërruar lëndën kimike me shishe uthulle dhe e kanë përdorur.
Fillimisht ishin në gjendje të rëndë, por tashmë sipas mjekëve janë jashtë rrezikut. Grupi hetimor po punon për sqarimin e rrethanave të ngjarjes.
Njoftimi:
Pogradec – Më datë 20.12.2022, në spitalin e Pogradecit kanë shkuar për mjekim shtetasi B. O., rreth 42 vjeç dhe bashkëshortja e tij, shtetasja V. O., rreth 40 vjeçe, banues në fshatin Blacë, Pogradec, të cilët dyshohet se aksidentalisht kanë konsumuar lëndë kimike helmuese (herbicid). Të dy këta shtetas ndodhen nën kujdesin e mjekëve.
Grupi hetimor po punon për sqarimin e rrethanave të ngjarjes.
