Ish-ministrja e Kulturës Mirela Kumbaro ka folur për Kongresin e PS nesër, si dhe për zgjedhjet lokale të qershorit.
E ftuar në rubrikën “Opinion” në News24, Kumbaro foli për ftesën e Fatos Nanos në Kongresin e Partisë Socialiste, ku tha se ai është një figurë historike e kësaj partie.
“Fatos Nano është një figurë politike historike për Partinë Socialiste. Ne nuk kemi ftuar vetëm atë, por më herët ka qenë i ftuar edhe shkrimtari Dritëro Agolli, figura historike si Servet Pëllumbi etj., të cilët kanë dhënë kontribut të madh në PS. Ne si Parti Socialiste kemi organizimin e duhur për të dalë në zgjedhjet lokale. Në PS janë diskutuar emra për të qenë në bashki të ndryshme të vendit. Baza nxjerr emrat dhe zgjidhen më të mirët. Ka bashki ku janë 2-3 emra të mirë dhe zgjidhet dikush, pasi bëhet një diskutim shumë i gjerë për kandidatin”, tha Kumbaro.
