Mosulja e çmimeve të karburantit në fillim të këtij viti është shoqëruar me ankesa nga Konfindustria. Me një reagim për mediat, Konfindustria thotë se shpreh keqardhje, që Bordi i Transparencës nuk ka ndërhyrë ende për të ulur çmimin e karburanteve.
Konfindustria thekson se çmimi në bursat ndërkombëtare kanë rënë ndjeshëm dhe kjo duhej të reflektohej edhe në Shqipëri.
Bazuar në të dhënat e fundit, Konfindustria bën me dije se çmimi i karburantit duhet të tregtohet me 183 lekë/litër dhe jo me 200 sa është aktualisht.
Njoftimi i Konfindustrisë:
Bashkangjitur njoftimi për shtyp ne te cilin Konfindustria rishpreh shqetësimin për vazhdimin e mosndërhyrjes në vazhdimësi të Bordit të Trasparencës edhe gjatë fillmvitit 2023 për uljen e cmimit të karburanteve në tregun vendor. Sipas të dhënave nga bursat ndërkombëtare cmimi i naftës ka rënë me shpejtësi, duke u përafruar ndjeshëm kuotave më të ulta të vitit 2022.
Mbështetur në vlerësimet krahësuese me bazë vjetore, cmimi i shitjes me pakicë të produktit “naftë/diesel” në tregun shqiptar duhet të ishte më i ulët se 183 lekë/litër. Ndërkohë, prej mëse 2 javësh cmimi i naftës në tregun shqiptar është në kufijtë e pothuaj 200 lekë/litër. Kostot e mësipërme shtesë për qytetarët dhe bizneset arrijnë në vlera miliona dollarë $.
