Ish-deputeti i PD, Oerd Bylykbashi ka sulmuar koncesionin më të fundit nga Bashkia e Durrësit për varrezat.
Bylykbashi ka deklaruar se në Durrës çdogjë është bërë me koncesion, nga urbani, porti teksa tashmë edhe varrezat.
Gjithashtu Bylykbashi garanton se me ikjen e Ramës më 25 prill fiton Shqipëria prandaj i bën thirrje durrsakëve të votojnë masivisht
STATUSI NGA OERD BYLYKBASHI
Durrësi i takon durrsakëve, jo hienave!
Blenë votat e hallexhinjve me paratë e korrupsionit dhe krimit të organizuar e me to erdhën në pushtet dhe i futen thonjtë Durrēsit e nuk e lëshojnë.
Më pas ia dhanë shitblerjen e votave me konçension organizatave kriminale që e kthyen Durrësin në kryeqytetin e krimit të organizuar.
Dhanë me konçension shërbimin urban në Durrës. Plehrat ia paguajmë me paratë e durrsakëve koncensionit të Tiranës. Zhvillimi urban është praktikisht i dhënë me “konçension” në duart e pak ndërtuesve.
Porti nuk është më i durrsakëve. Sapo dhanë një konçension tjetër. Madje portin dhe bregun e detit prej së paku 3 km do t’ia japin arabëve. Durrsakët nuk do ta shohin më detin siç e shohin sot.
Bashkinë e ka marrë me konçension Kryeministria. Çfarë vendos Rama ekzekutohet në Durrës nga drejtoresha e përgjitheshme e bashkisë.
Tashmë paskan vendosur edhe që varrimin dhe respektin e fundit të dashurve të tyre, durrsakët do të duhet ta negociojnë me konçensionarin e varrezave. Nuk mjaftojnë taksat që paguajnë po duhet të paguhet edhe konçensionari për banesën e fundit. Turp!
Kanë një shprehje durrsakët për këtë sjellje grabitqare të këtyre që po i qeverisin: “Kush mur, dul”. E thëneë ndryshe, “Kush mori, doli”. Pra marrin ç’të marrin dhe ikin. Thjesht grabitqarë që në ikje e sipër po marrin edhe lugët dhe filxhanët.
Më 25 prill duhet të shkojmë të votojmë masivisht që t’ia kthejmë Durrësin durrsakëve. Me 25 prill, duke përzënë Edi Ramën nga pushteti, fiton Shqiptarëve.
