Kryeministri Edi Rama ka drejtuar pasditen e kësaj të shtune Komitetin e Koordinimit dhe Menaxhimit të Emergjencave Civile, për të diskutuar mbi situatën e 24 orëve të fundit dhe ato në vijim.
Sipas tyre, pritet që reshjet dhe prurjet të bien në 24 orët e ardhshme, përfshirë ato të lumit Vjosë, që kanë arritur deri në 1.200 metër kub për sekondë. Fierza ngelet ndërkohë nën nivelin kritik, por afër tij, ndërsa Semani ka bërë shkarkime.
Probleme janë verifikuar edhe në qarkun e Korçës, ndërsa në atë të Vlorës janë përmbytur rreth 3.900 banesa dhe 49 shkolla, të cilat nuk janë në kushtet ku pas krizës mund të rifillojë mësimi.
Rama ka deklaruar se trupat e angazhuara në terren ditën dhe natën kanë bërë operacione të shumta shpëtimi, duke bërë të mundur që asnjë jetë njerëzore dhe bagëtie të mos humbasë.
Gjithashtu kryeministri ka theksuar se në fokus të strukturave shtetërore do të jenë banesat, rrugët, urat dhe shkollat, për të bërë të mundur që mësimi të nisë sa më parë.
