Këngëtarja, Beatrix Ramosaj ka folur për herë të parë për lidhjen e saj me aktorin Donald Veshaj. Reagim i cili erdhi përmes një kënge mbrëmjen e djeshme, ku këngëtarja publikoi bashkëpunimin e saj me Dj Geek që titullohet “Ma shumë se ti”.
Duket se teksti është i dedikuar për ish-partnerin e saj. Por ndonëse marrëdhënia me Donaldin dështoi shumë shpejt që pas daljes së tij nga shtëpia e famshme, dhe duket se këngëtarja po prek suksesin me projektin e fundit që u shndërrua menjëherë në hit.
Edhe pse nuk janë mbushur ende 24 orë nga publikimi i këngës, “Ma shumë se ti” numëron mbi 400 mijë klikime në rrjetin social You Tube. Përveç suksesit, ajo që bie më shumë në sy është fakti që të gjitha komentet janë pozitive dhe mbështetëse për të.
Më shumë se 1200 komente kanë shkuar për të dhe të gjithë e kanë mbështetur si për këngën, ashtu dhe për raportin e saj me Donaldin. Shumë nga fansat e saj nuk i kanë kursyer edhe ironitë për aktorin.
“Si i thonë legen në shqip”, është një ndër komentet drejtuar për Beatrix.
Kujtojmë se kur artistja la shtëpinë e “Big Brother Vip” komentet negative e detyruan atë të qëndronte larg vëmendjes së mediave. Megjithatë me kalimin e kohës opinioni publik ka ndryshuar mendim, duke i dhënë mbështetje Trixës. Teksa e kanë komplimentuar për tekstin, që edhe sipas komentuesve ishte një dedikim për Donaldin, fansat e kanë uruar për këtë rikthim në muzikë, duke lënë në harresë, këngën që ai publikoi kur doli nga “Big Brother Vip”, ku fliste për lidhjen e krijuar brenda në shtëpi.
