Biznesmeni Eduart Dauti,ka hedhur poshtë, të gjitha akuzat që lidhin emrin e tij me transportin e lëndës narkotike, të bllokuar pak ditë më parë në Portin e Durrësit.
Sipas tij, kontenjerët vulosen hermetikisht me shirita sigurie që nga porti i origjinës deri në Durrës dhe askush nuk mund të ndërhyjë. Dauti shprehet i shqetësuar se po tentojnë ta shkatërrojnë, ndaj ka një thirrje për drejtësinë që të investigojnë me detaje këtë rast për të zbardhur të vërtetën.
Nga porti në port futja e drogës nga autoritetet. Në portet nisëse i fusin dhe i nxjerrin në portet pritëse.
“Nuk jam askush që të komandoj një kontejner, pasi kontejneri në fjalë është nisur që prej 1 jave nga vendi i origjinës. Kontejnerët i përkasin kompanisë detare, nuk janë të mitë. Përgjegjësia ime fillon pas skanerit. Nuk kam akses të kontrolloj kontenjeret. Falënderoj DEA qe kane qenë në vëzhgim të kriminelëve. Dhe sultjashin me orizin e pilafin nuk e panë. Sigurisht nuk kam qenë unë, se nuk do isha këtu sot. Kam 11 vjet që merrem me këtë biznes. Nëse unë bëhem pre e kriminelëve bëhet vetëm prej linjës që ndjek malli qe sjellim ne. Ne importojmë vetëm fruta. Unë nuk fshihem si puna e miut, jam bllokuar në Francë. Më sugjeruan të mos vija në Shqipëri dhe shyqyr që janë mediat që më telefonojnë për të sqaruar ngjarjen, se të jetë për policinë dhe prokurorinë askush s’më ka marrë të më pyesë, që të bëj një deponim”, është shprehur ndër të tjera Dauti.
