Në tryezën e konsultimit publik mbi projektligjin për ndryshime në Kodin e Procedurës Penale, Ministri i Drejtësisë, Petrit Vasili prezantoi ndryshimet e propozuara në këtë ligj nga Ministria e Drejtësisë.
“Një nga elementët kryesorë ku kemi menduar se duhet të përqendrohemi është përkufizimi i termit “dyshim i arsyeshëm”. Sa më afër një përkufizimi të qartë e pa evazivitete të jemi, aq më e vogël është mundësia për interpretime evazive në gjykata e më gjerë, ku evaziviteti mund të jetë baraz me mundësinë për korrupsion”, deklaroi Vasili.
Vasili theksoi se, çdo nismë e ndërmarrë në këtë drejtim duhet të çojë drejt një përkufizimi sa më preçiz, në mënyrë që të arrihet tek ajo që qytetarët duan.
Një propozim tjetër i bërë nga ministri ishte edhe garantimi i përdorimit të mjeteve audiovizive në Kodin e Procedurës Civile.
