Gazetarja Klodiana Lala ka siguruar videon nga momenti kur Arbër Çekaj dhe Fatmir Pjetri tentuan të arratiseshin nga burgu ‘313’.
Arbër Çekaj është arrestuar pasi u kap me sasinë më të madhe të kokainës të futur në vendin tonë, plot 613 kg, ndërsa ishte pjesë e “Bandës së Babagjyshëve”.
Siç shihet në video, Çekaj dhe Pjetri arrijnë të zbresin nga kati i tretë përmes një çarçafi të bërë gërshetë dhe në duar mbajnë çengela hekuri. I pari zbret nga litari Pjetri, ndërsa pas tij bie edhe Çekaj, i cili siç shihet në pamje, në momentin që bie poshtë, rrëzohet, por ngrihet menjëherë dhe të dy kalojnë rrethimin.
Gjithçka ndodh në vetëm pak sekonda, ndërsa në momentin që kalojnë rrethimin, ata përballen me një polic, të cilin e godasin me çengel hekuri, por më pas kapen nga policët e tjerë.
