Gjatë mbledhjes së sotme, Këshilli i Lartë i Drejtësisë ka vendosur shkarkimin e dy gjyqtarëve, Ibarhim Hoxhës dhe Shyqyri Çobos.
KLD, gjithashtu ka vendosur të rikthejë në sistemin e drejtësisë gjyqtaren Marsela Balili, e cila ka fituar pafajësinë në tre shkallët e gjyqësorit.
Gjykata e Krimeve të Rënda ka dënuar me dy vite burg gjyqtarin Ibrahim Hoxha, i cili është shpallur fajtor për korrupsion pasiv të ngritur nga Prokuroria e Krimeve të Rënda.
Ibrahim Hoxha akuzohet se mori 600 mijë lekë për të ndryshuar një vendim gjyqësor. Organi i akuzës kishte kërkuar 3 vite burg, por Hoxha përfiton uljen e 1 viti për shkak të gjykimit të shkurtuar.
Edhe gjyqtari Çobo është akuzuar për korrupsion, por ai i ka shpëtuar burgut.
Gjykata e Krimeve të Rënda vendosi të pezullojë dënimin me 2 vjet burg që ai përfitonte nga gjykimi i shkurtuar (Gjykata e dënoi gjithsej me 3 vjet) duke ia kaluar pjesën e mbetur të dënimit në shërbim prove.
Po ashtu gjykata vendosi që Çobo të mos ushtrojë funksione publike për 5 vjet.
Gjyqtari u kallëzua nga një grua nga Berati palë në një proces civil divorci, ku gjyqtar i çështjes ishte Shyqyri Çobo.
Pasi i ka premtuar avokat gjyqtari i ka kërkuar miqësi duke i telefonuar dhe dërguar shpesh sms shtetases I.T për krijimin e një lidhjeje intime. E friksuar për faktin se refuzimi i prerë nga ana e saj do të sillte si pasojë humbjen në procesin gjyqësor ku ishte palë gruaja bëri denoncimin.
