Bashkimi Europian kërkon nga klasa politike shqiptare që të nisë dialogun, në mënyrë që Parlamenti të bëhet funksional dhe t’i kthehet normalitetit. Apeli vjen nga Ambasadori i BE-së në Tiranë, Silvio Gonzato, i cili i kujton politikës shqiptare kushtin bazë që duhet të përmbushë në procesin e integrimit në Bashkimin Europian.
Prej muajsh Kuvendi i Shqipërisë është pothuajse jashtë funksionit, ndërsa seancat nuk zgjasin më shumë se 10-15 minuta, ku ligjet miratohen me forcën e kartonit të mazhorancës së Kryeministrit Edi Rama, pa diskutuar dhe marrë parasysh asnjë propozim nga opozita. Kjo e fundit akuzon mazhorancën për shkeljen e Rregullores së Kuvendit dhe të të drejtave Kushtetuese përsa i takon Komisioneve Hetimore, të cilat janë refuzuar nga socialistët e Ramës.
Today, I witnessed how Albanian politicians from various political parties engaged in discussions and debates regarding the Assembly’s role in the EU negotiation process. With urgency, similar discussions should commence in the Parliament to restore its normal functioning.
1/2 https://t.co/wlPH45iS5Q— Silvio Gonzato (@EUAmbAL) February 28, 2024
