Është një foto që tregon një moment ngrohtësie dhe qetësie mes nënës dhe vajzës së saj të sëmurë. Ajo është futur në dush për ta qetësuar… dhe e bukura e kësaj fotoje është se ajo është bërë nga djali i saj, 5 vjeç me një iPhone.
Një moment i sinqertë që tregon lidhjen e fortë mes nënës dhe fëmijës.
Fotografia është shpërndarë në Facebook nga mamaja Kelli Bannister dhe deri tani ka mbi 10.000 reagime për vetëm 24 orë.
Por ajo që e bën këtë foto të sinqertë edhe më të pabesueshme, është se ajo është marrë nga djali i saj pesë-vjeçar në një telefon celular.
Kelli Bannister, është fotografe dhe blogere 30 vjeçare nga Australia. Ajo shkruan në facebook se kishte disa ditë që vajza e vogël Summer, vetëm 20 muajsh, ishte sëmurë me kollë e temperaturë dhe ajo ndihej tepër e lodhur. “vendosa të bëja një dush të ngrohtë bashkë me të duke e mbajtur ngjitur me lëkurën time për ta qetësuar dhe vërtet u qetësua për pak minuta. Kur ne dolëm nga dushi djali im Taj më tregoi foton, të cilën vendosa ta ndaja me ju”, shkruan Kelli në një postim emocional në Facebook.
