Valeri Karpin, trajneri i përfaqësueses ruse, ka reaguar i zhgënjeyr pas vendimin të FIFA-s që përjashtoi këta të fundit nga Botërori i Katar, për shkak të luftës në Ukrainë.
“Është e kotë të themi që jemi të gjithë të zhgënjyer. Sigurisht që prisnin të fitonim ndeshjet e playoff, do të ishim të vendosur në fushë. Është një mëkat për lojtarët të cilët ëndërronin të ishin në Botëror, tani i kanë humbur të gjithë shpresat. Shpresojë që sanksionet e FIFA-s dhe UEFA-s mund të hiqen së shpejti dhe që futbollistët rusë të rikthehen në skenën ndërkombëtare”, u shpreh ndër të tjera Valeri Karpin.
Pas vendimit të FIFA-s dhe UEFA-s për të përjashtuar klubet dhe përfaqësueset e saj nga aktivitetet ndërkombëtare, Federata Ruse e futbollit ka thënë se do të apelojë vendimin. Me një komunikatë, kundërshtarët e Shqipërisë në Ligën e Kombeve, kanë bërë të ditur qëndrimin e tyre për këtë vendim që erdhi si pasojë e ndërhyrjes ushtarake të Rusisë në Ukrainë.
