Një modele 24-vjeçare nga Gjermania është tmerruar kur është sulmuar nga dy majmunë gjatë pushimeve të saj në Tajlandë. Amy Rush ishte në Monkey Beach në Ishujt Phi Phi kur dy majmunët e sulmuan atë.
Ajo ka postuar një video në Instagram në të cilën është regjistruar fillimi i sulmit të dy kafshëve. Siç shihet në video, modelja shihet duke iu afruar një foshnje majmuni për ta përkëdhelur. Pastaj një majmun i rritur, ndoshta nëna e foshnjës, e kafshoi atë në këmbë. Sipas saj, ajo ka marrë gjithsej katër pickime nga dy majmunë.
Pas sulmit, modelja shkoi në një spital ku, sipas saj, i është dhënë një serum kundër tetanozit dhe gjithsej pesë doza të vaksinës së tërbimit, ndërsa merr nëntë pilula çdo ditë për arsye parandaluese.
“Po ta dija se çfarë do të ndodhte, nuk do të kisha shkuar pranë atij plazhi. Unë do të kisha përfunduar pushimet e mia më herët. Tani për tani gjithçka që mund të them është se kam frikë për jetën time. Do të ishte më mirë të isha në një spital në Madrid. Fatmirësisht sigurimi i jetës që kam i mbulon të gjitha shpenzimet”, tha 24-vjeçarja gjermane.
Vihet re se Amy Rush numëron 250 mijë ndjekës në Instagram dhe në Gjermani njihet për pjesëmarrjen e saj në Big Brother.
