Xhudistja kosovare, Distria Krasniqi, ka arritur ta fitojë medaljen e artë për Kosovën në kategorinë deri në 48 kilogramë të World Judo Masters, që po mbahet aktualisht në Qingdao të Kinës. Xhudistja kosovare ka bërë që Kosova të jetë gjithandej në Kinë, vend ky që s’ia njeh pavarësinë.
World Judo Masters është gara e fundit për këtë vit në kalendarin e garave të IJF dhe EJU. Në këtë garë marrin pjesë 32 xhudistët e parë të ranguar në ranglistën Botërore të Federatës Botërore të xhudos në secilën kategori.
Në finalen e madhe, kosovarja e dëshmoi sërish forcën e vet duke e mposhtur do të xhudisten nga Moldavia, Naransetseg Ganbaatar, të cilën e mposhti në Golden Score, dhe u sigurua që flamuri i Kosovës të ngrihet më së larti në Kinë.
“Kina e largët po njoftohet me protagonistët e një shteti të ri, që s’e njeh zyrtarisht por sot do ta ketë rastin të na njoh përmes medaljes së fituar atje, të shpresojmë në atë me shkëlqimin më të madh!”, kishte shkruar Kuka në llogarinë e tij në Facebook, para finales së Krasniqit.
