Këshilli i ri Kombëtar i Partisë Demokratike do të zgjedh sot 15 anëtarët e kryesisë së Partisë Demokratike mes 62 kandidaturave.
Nga ky numër, 30% e anëtarëve që do të zgjidhen për në kryesi duhet të jenë patjetër gra. Ndërkohë, numri i kandidaturave është ndarë 43 burra dhe 19 gra. Lista e kandidatëve është e përbërë nga deputetë të zgjedhur në zgjedhjet e 25 prillit, dhe ish- kandidatë për deputet.
Por, nuk mungojnë edhe emrat nga brenda departamenteve të PD-së. Kështu, lista nis me deputetin që u fut rishtazi në Parlament në qarkun e Lezhës Agron Gjekmarkaj. Ndërsa vijon me Agron Kapllanajn, i cili vetëm për pak vota preferenciale nuk arriti të merrte mandatin e deputetit në qarkun e Fierit. Në listën e kandidatëve për anëtar të kryesisë është edhe Bardh Spahia, i cili po ashtu qe pranë marrjes së mandatit në Shkodër përmes votave preferenciale.
Ervin Salianji ishte kandidati më i votuar nga mbështetësit e PD-së në qarkun e Korçës. Salianji është një nga kandidatët pretendent që të bëhet pjesë e kryesisë. Po ashtu, pas rezultatit të mirë që mori në zgjedhjet e 25 prillit, duke marrë mandatin e deputetit me votat preferenciale Luçiano Boçi kërkon që të ketë një vend të sigurt edhe në strukturën më të lartë të Partisë Demokratike.
Po ashtu, edhe deputetët e tjetër të PD-së në Elbasan, të cilët morën vota të konsiderueshme nga mbështetësit Dashnor Sula dhe Lefter Gështenja kërkojnë që t’i përfaqësojnë qytetarët e tyre edhe në kryesinë e PD-së, ku diskutohen vendimmarrjet e rëndësishme politike. Ndërkohë nuk mungojnë emrat si Jamarbër Maltezi, i cili është edhe aktualisht pjesë e kryesisë dhe emri i aktorit të humorit, Julian Deda.
KRITIKËT
Lulzim Basha ka bërë pjesë të listës për kandidat për anëtar të kryesisë edhe ish-rivalët e tij në garën për Partinë Demokratike. Agron Shahaj dhe Fatbardh Kadilli, ndonëse nuk arritën që t’i rrëmbenin vendin e kryetarit kërkojnë që të jenë në strukturën që diskutohen vendimmarrjet më të rëndësishme të Partisë Demokratike. Edhe anëtari aktual i kryesisë Eno Bozdo kërkon që të jetë serish pjesë e kryesisë dhe të votohet nga anëtarët e Këshillit Kombëtar që nesër po ashtu konstituohet.
KANDIDATET
Lista e grave, të cilat kërkojnë një vend në kryesinë e PD-së është më e shkurtër sesa e burrave. Lista përbëhet kryesish nga figura të reja përveç Dhurata Çupit, e cila është edhe aktualisht anëtare e kryesisë së PD-së, si dhe fitoi edhe mandatin e deputetit në 25 prill. Po ashtu, edhe Orjola Pampuri kërkon që të jetë sërish në kryesinë e PD-së. Ndërsa kandidaturat e tjera janë kryesisht risi në angazhimet e larta politike. Bie në sy anëtarja e Komisionit të Vlerësimit të Kandidatëve të PD-së, Enriketa Papa.
Por, teksa shumë presin që të marrin mbështetjen e anëtarëve të Këshillit Kombëtar të PD-së, disa janë automatikisht të përjashtuar. Kështu, Edmond Spaho pasi është larguar si nënkryetar i PD-së, nuk rezulton as në mesin e kandidatëve për në kryesi. Po ashtu, Sahit Dollapi, i cili u largua nga Sekretariati Organizativ është automatikisht jashtë.
Por, këtë herë do të mungojë në PD Florion Mima, një nga figurat e rëndësishme në PD për çështjet ekonomike. Kryesia e Partisë Demokratike përbëhet nga kryetari, nënkryetarët sekretariatet. Po ashtu, pjesë e kryesisë janë edhe kryetarët e strukturave partnere, si forumi rinor dhe forumi i gruas, si dhe zëdhënësja e PD-së. Kështum nga 28 anëtarë që ka kryesia aktuale, pas ditës së sotme, PD-ja do të ketë rreth 38 anëtarë kryesie./panorama
KANDIDATËT PËR NË KRYESI
AGRON GJEKMARKAJ
AGRON KAPLLANAJ
AGRON SHEHAJ
AKIL KRAJA
ALDO BUMCI
ARBI AGALLIU
BARDH SPAHIA
BLEDJON NALLBATI
ÇLIRIM GJATA
DASHNOR SULA
ENNO BOZDO
ERVIN SALIANJI
FATBARDH KADILLI
FATION VEIZAJ
FERDINANT XHAFERAJ
FITIM ZEKTHI
FLAMUR NOKA
GAZMEND KODUZI
GENC DEROMEMA
GENT STRAZIMIRI
GERT BOGDANI
HELIDON BUSHATI
IGLI CARA
ISUF ÇELAJ
JAMARBER MALLTEZI
JULIAN DEDA
KASEM MAHMUTAJ
KASTRIOT PIROLI
KLEVIS BALLIU
KRESHNIK ÇOLLAKU
LEFTER GESHTENJA
LUAN BAÇI
LUÇIANO BOÇI
OERD BYLYKBASHI
RAMADAN LIKAJ
ROLAND BEJKO
SAIMIR KORRESHI
SELADIN JAKUPLLARI
TOMOR ALIZOTI
TRITAN SHEHU
XHELAL MZIU
XHEMAL GJUNKSHI
ZEF HILA
KANDIDATET
ZHENI GJERGJI
ANDIA ULLIRI
DHURATATYLI (ÇUPI)
EMIMA KOLIQI
ENKELEJDA SALLAKU
ENRIKETA PAPA
ENTELA SHEHAJ
ERALDA BANO (TASE)
ILDA DHORI
IRENA PROGNI
IZMIRA ULQINAKU
JUELA HAMATI
LINDITA METALIAJ
MERITA BAKIU
MIMOZA HASEKIU
MIRELA TABAKU
NEVILA XHINDI
ORJOLA PAMPURI
SORINA KOTI
TAULANDA JUPI
