Këshilli i Komunës së Tetovës është duke mbajtur një mbledhje të jashtëzakonshme pas zjarrit që ra në Spitalin Modular Covid, ndërsa do të shqyrtohet propozimi me rend dite për shpalljen e tri ditëve ditë zie në këtë komunë në nder të viktimave.
“Propozim-vendim për shpalljen e 9, 10 dhe 11 shtatorit 2021 ditë zie në Komunën e Tetovës për shkak të personave që kanë humbur jetën në zjarrin me datë 0809.2021”, thuhet në propozim.
Në momentin që ra zjarri, në spitalin modular po merrnin trajtim 26 pacientë. Prej tyre, 14 nuk mundën të mbijetonin dhe 12 kanë përfunduar në spital. Stafi mjekësor ka marrë vetëm lëndime të lehta.
