Aktori i humorit, Ermal Mamaqi ka qenë i ftuar mbrëmjen e kaluar në emisionin “Goca dhe Gra”, ku ka folur për projektet e reja, trajnimet, librin që p shkruan së fundmi si edhe për marrëdhënien që ai ka me miqtë e tij.
I pyetur nga moderatorja për Elvana Gjatën, Ermali kërkon që këngëtarja të bëhet nënë së shpejti. Kjo ishte këshilla dhe dëshira e tij për miken e ngushtë, të cilën e tha publikisht. Sipas aktorit të humorit, Elvana duhet të bëjë shumë fëmijë pasi duhet që talentin t’ia trashëgojë fëmijëve të saj.
“Do ti këshilloja që të shikonte jetën në një nivel më familjar dhe ka ardhur momenti që ti Elvana të bësh një fëmijë, do na bësh të gjithëve të lumtur. Me talentin që ka duhet të bëjë shumë fëmijë, që botës ti shtohen talentet.”
Kujtojmë se, aktori i njohur Ermal Mamaqi është një ndër personazhet që ka spikatur audiencën me humorin e tij, dhe tanimë prej disa kohësh ka nisur praktikën e të ndjekurit seminare dhe trajnime lidhur me motivimin dhe të ndjerit mirë me veten.
Kujtojmë këtu, se Ermali është larguar nga televizioni për të vazhduar këtë kapitull të ri në karrierën e tij.
