Një pjesë e punonjësve të fasonerisë në Vorë janë pushuar nga puna. Vendimi vjen pak ditë pasi 250 punonjës të kësaj fasonerie kërkuan me ngulm paratë e tyre, pasi nuk kishin marrë as pagën e luftës.
Bëhet me dije se 20 punonjës janë larguar nga puna, si pasojë e kësaj proteste, pasi ata rrëfyen në publik të gjithë atë që ndodhte në këto fasoneri.
Ato shprehen se kushtet e punës nuk mundësonin distancimin social, e megjithëse ata kanë punuar si çdo ditë, ata nuk janë paguar.
Sipas burimeve thuhet se atyre iu është kërkuar që të mos shkojnë më në punë. Ende nuk ka një sqarim nga institucionet në lidhje me rastin e fasonerive.
