Në agim të së mërkurës, policia e Romës dhe Viterbos nisën zbatimin e 13 urdhër arresteve nga prokuroria.
Mes 13 të dyshuarve bie në sy emri i Elsa Lila, 40 vjeçe, këngëtare e njohur në Shqipëri. I përfshirë është edhe boksieri Petrit Bardhi, i njohur si “Titty”, i përfshirë tashmë, në korrik 2015, në një operacion të mëparshëm të Gico della Guardia di Finanza: me Arben Zogun (“Riccardino”) ishte pjesë e baterisë së urës Milvio nën porositë nga Fabrizio Diabolik Piscitelli.
Riccardino, Titty dhe Plutoni ishin bërë pjesë e një klani italo-shqiptar të drejtuar nga vëllezërit Guarnera që merreshin me trafikun e drogës. Grupi i shqiptarëve me qendër në Acilia vendosi automatet e organizatës në lokalet e qytetit.
Kush është Elsa Lila?
Në fillim të viteve “90, Elsa Lila fitoi dy herë më parë Festivalin e Këngës në RTSH.
U rikthye në vendin tonë, për t’i rikthyer dinjitetin e humbur këtij festivali, muzikës shqiptare, rreth 12 vite më parë. Kur prezantoi me Pirro Çakon një nga festivalet e fundvitit. Elsa Lila vazhdoi karrierën edhe për disa kohë, duke e ndërprerë papritur atë.
Sot mbetet një nga zërat më të rrallë. Elsa Lila mbetet po ashtu një ikonë e muzikës shqiptare.
Këngëtarja çuditërisht është zhdukur jo vetëm nga impenjimet artistike, por edhe nga rrjetet sociale, prej disa vitesh. Nuk dihet arsyeja e këtij vendimi. Ajo mësohet se ka vendosur prej më shumë se tre vitesh t’i përkushtohet jetës familjare, vajzës së saj, larg vëmendjes së publikut.
Duket se u tërhoq kur pa se në vendin e saj nuk mund të bënte asgjë më shumë për të shpëtuar artin dhe kulturën, nga degjenerimi, dhe tallavaja ku është katandisur sot.
Mori pjesë pak vite më parë në jurinë e përzgjedhjes së talenteve në një konkurs, në televizionet tona. Dhe kjo ishte prania e saj e fundit, sa i përket karrierës në Shqipëri.
Elsa Lila prej atëherë kishte disa kohë që i mungonte skenës dhe po ashtu edhe rrjeteve sociale . Hera e fundit që u shfaq para publikut si artiste ishte në fillim të këtij viti, kur mori pjesë në një koncert bamirësie, në Itali, për t’iu ardhur në ndihmë të dëmtuarve nga tërmeti i 26 nëntorit.
