Këngëtarja Dolores O’Riordan ka vdekur në mënyrë të papritur në një hotel në moshën 46-vjeçare.
Zëdhënësi i saj nuk dha detaje të tjera në lidhje me shkakun e vdekjes, përveç faktit që ndodhi krejt papritur dhe se familjarët e saj janë të shkatërruar.
Në një deklaratë të zëdhënësit thuhet: “Këngëtarja ndërkombëtare Dolores O’Riordan ka vdekur papritur në Londër ditën e sotme, në moshën 46-vjeçare. Këngëtareja e bandës irlandeze “Cranberries” ndodhej së fundmi në Londër për regjistrime. Nuk janë dhënë detaje të tjera. Familjarët janë të shkatërruar nga ky lajm i fundit dhe kanë kërkuar privatësi në këtë moment të vështirë.”
Këngëtarja Dolores O’Riordan ka dhënë përpara disa vjetëve koncert në Tiranë për ndjekësit e saj të shumtë edhe në Shqipëri.
