Një lajm i mirë vjen nga artistja me origjinë shqiptare. Flasim për Eleni Foureira e cila aktualisht është në pritje të ëmbël. Prej kohësh përflitej një lajm i tillë nga këngëtarja, e cila deri më tani ka zgjedhur të heshtë në lidhje me këto lajme.
Por mënyra sesi ajo ka zgjedhur të konfirmojë lajmin është duke anuluar të gjitha koncertet që ajo kishte për këtë vit. Duket se këtë periudhë, Eleni do ta kalojë në një pushim total, duke shijuar shtatzëninë, por edhe duke u kujdesur për veten.
Në postimet e fundit në rrjetet e saj sociale, artistja ka zgjedhur që të mbulojë pjesën e barkut, duke mos dashur që ta ekspozojë atë në rrjetet sociale. Megjithatë derisa bebi të vijë në jetë, me gjasa do të kemi mundësinë ta shikojmë Elenin me barkun e rrumbullakosur.
Kujtojmë se para disa muajsh bukuroshja më në fund bëri publike lidhjen e saj me biznesmenin dhe futbollistin spanjoll Alberto Botia. Në një spektakël në Greqi u bë e ditur se Botia i ka propozuar për martesë artistes me origjinë shqiptare.
Eleni dhe Alberto thuhet se janë me njëri-tjetrin që nga viti 2016 por ata asnjëherë nuk e kanë bërë publike romancën e tyre. Gazetarja greke, Marena Kardigiannopoulou, u shpreh se Foureira e ka pranuar propozimin për martesë të bërë nga partneri i saj.
