Ministrja e Ekonomisë dhe Financave Anila Denaj ka reaguar në lidhje me deklaratën e saj gjatë një interviste të dhënë me gazetarin Enkel Demi, që nxiti mjaft arstistë të reagonin ashpër kundrejt saj.
Denaj nëpërmjet një postimi në rrjetet sociale shpreson se komentet, që shtrembërojnë kontekstin nuk janë pjesë e kohës së humbur sot për asnjë nga ne.
Reagimi i plotë i ministres:
Të nderuar artistë të çdo fushe, që në çdo kohë na përcillni emocione.
Ju ftoj të dëgjoni të plotë deklaratën time si Ministre në emisionin e mëngjesit, të gazetarit Enkel Demi.
Duke shpresuar, që arti juaj të mos rreshtë kurrë së transmetuari në ambiente të hapura apo në platformat online, siç po ndodh sot në këtë kohë të COVID, mbetem me shpresën se komentet, që shtrembërojnë kontekstin nuk janë pjesë e kohës së humbur sot për asnjë nga ne.
Përqafime
