Fituese e edicionit të 23-të të festivalit “Kënga Magjike” është Marsela Çibukaj. Ajo ka arritur të mbledhë në total 449 pikë. Këngëtarja garoi me hitin “I paftuar”, me çka edhe i kanë dhuruar fitoren e vendit të parë.
Çmimi i dytë shkoi për artisten Michela Paluca me këngën “Një përqafim”, ndërsa i treti për Anxhela Peristerin me këngën “Një kalimtar”.
Kënga “I paftuar” është një kompozim i Alban Ramosajt i cili ka realizuar muzikën dhe tekstin, ndërsa për orkestrimin është kujdesur Darko Dimitrov.
