Bashkia e Tiranes do të ndërtojë këndin e 16 të lojrave në kryeqytet në zonën e “Pallatit me Shigjeta”.
Kryebashkiaku Erion Veliaj tha se është bërë zgjedhja e duhur duke u fokusuar tek infrastruktura për fëmijët.
“Kjo është një ndërhyrje që banorët të kenë kushte dinjitoze, asfalt, trotuare, ndriçim, por sigurisht edhe për fëmijët, të cilët janë pika e dobët e Bashkisë sonë.Në dy vitet e para besoj se kemi bërë zgjedhjen e duhur, duke u fokusuar kryesisht te infrastruktura për fëmijët, te çerdhet, kopshtet, këndet e lojërave, shkollat”, tha Veliaj.
Veliaj garantoi qytetarët se pavarsisht situatës politike, Bashkia do të jetë në terren për të përmirësuar infrastrukturën apo shërbimet për komunitetin.
