Një plagosje me armë zjarri ka ndodhur paraditen e sotme pranë Bashkisë së Kavajës.
Mësohet se i plagosur me armë ka mbetur shtetasi Rexhep Tare, ndërsa nuk dihen ende arsyet e ngjarjes.
Në vendngjarje ka shkuar policia, e cila ka shoqëruar autorin e plagosjes, dhe po heton në lidhje me zbardhjen e plotë të shkaqeve, që çuan në përdorimin e armëve.
Njoftimi i plotë:
Shoqërohet autori i plagosjes me armë zjarri në Kavajë. Sekuestrohet edhe arma e dyshuar e krimit.
Rreth orës 11:10 në Kavajë, në lagjen nr 2, për motive të dobëta, është plagosur me armë zjarri shtetasi R. T, 53 vjeç, i cili u dërgua në spitalin Rajonal të Durrësit për ndihmë mjekësore jashtë rrezikut për jetën.
Autori i dyshuar i ngjarjes shtetasi F.B, 31 vjeç, nga Kavaja po shoqërohet në Komisariat, për veprime të mëtejshme. Është sekuestruar edhe arma e dyshuar e krimit, një armë zjarri kallashnikov.
Grupi hetimor ndodhet në vendngjarje,ku po vijon punën për sqarimin e mëtejshëm të rrethanave të ngjarjes.
