Një ngjarje e rëndë ka ndodhur në zonën e Laprakës, ku katër persona raportohet se janë plagosur me armë zjarri. Ngjarja ka ndodhur në rrugën Gjergj Legisi. Të plagosurit janë E.L 31 vjeç, M.B, 31 vjeç, B.K 33 vjeç dhe A.B 46 vjeç.
Policia njofton se autori i plagosjes është pronari i lokalit i identifikuar si A.Seferi. Ai është shpallur në kërkim dhe vijon puna për kapjen e tij.
Bëjhet me dije se shkak për ngjarjen ka qenë një sherr i momentit mes personave të plagosur dhe autorit të ngjarjes.
Të plagosurit janë transportuar menjëherë në drejtim të spitalit të Traumës dhe mësohet se gjendja e tyre shëndetësore është jashtë rrezikut për jetën.
Njoftimi i policisë:
Informacion paraprak.
Më datë 29.09.2017,rreth orës 18:40, kemi marrë njoftim se në rrugën “Gjergj Legisi”, janë plagos me armë zjarri disa persona.
Në vendngjarje kanë mbërritur shërbimet e policisë dhe ambulanca, ku nga verifikimi paraprak ka rezultuar se :
Në rrugën “Gjergji Legisi”, pas një konflikti në një lokal, janë plagosur me armë zjarri shtetasit E. L., 31 vjeç, B. M., 31 vjeç, B. K., 33 vjeç, dhe A. B., 46 vjeç.
Katër shtetasit e plagosur ndodhen në spital, jshtë rrezikut për jetën.
Janë identifikuar autorët dhe po punohet për kapjen e tyre.
