Katër aksidente që janë regjistruar ditën e sotme në Elbasan, Librazhd, Përrenjas dhe në Rrogozhinë, ku dy persona kanë humbur jetën dhe 10 të tjerë janë plagosur.
Bëhet me dije se viktima M.Zh. 25 vjeç u përplas nga një tjetër mjet teksa po drejtonte një Fiat ndërsa ka ndërruar jetë në vend, pasi aksidenti ka qenë fatal.
Ndërsa në Qafë Thanë një makinë ka dalë nga rruga dhe për pasojë drejtuesi ka humbur jetën, shkak dyshohet se ka qenë shpejtësia dhe lagështira në rrugë.
Tre persona u plagosën nga aksidenti i tretë që u regjistrua po sot pasdite rreth orës 16:30 në aksin Librazhd-Prrenjas në fshatin Qukës.
Aksidenti i katërt ditën e sotme u regjistrua në aksin Librazhd-Elbasan në vendin e quajtur Xibrakë, ku u përshinë 2 mjete dhe të plagosur mbetën 7 persona, një fëmijë në gjendje të rëndë.
