Presidenti katalanas Carles Puigdemont ka deklaruar se nuk po planifikojmë një ndarje traumatike me Spanjën.
Në një konferencë për shtyp, Puigdemont deklaroi se kërkonin të dialogonin me qeverinë e Mariano Rajoy. Sipas tij ata nuk kishin pasur asnjë kontakt me autoritetet e Madridit.
Lideri katalanas kërkoi gjithashtu ndihmën e ndërkombëtarëve për zgjidhjen e konfliktit me Madridin duke thënë se Europa nuk mund të vazhdojë të shpërfillë çështjen. Të paktën 900 persona u plagosën teksa policia spanjolle u përpoq të ndalonte votimin në referendumin e shpallur të paligjshëm nga Gjykata Kushtetuese spanjolle.
Mes të lënduarve ishin edhe 33 efektivë. Mbi 2.2 milionë qytetarë hodhën votën e tyre sipas autoriteteve katalanase, nga 5.3 milionë që ishin të regjistruar. Gati 90% e tyre votuan pro shkëputjes nga Spanja.
