Këngëtari Kastro Zizo mori pjesë në Festivalin e 58 me një këngë dedikuar nënës së tij me titullin “Asaj”, ndërsa për “Pop Culture”, ka rrëfyer se ato momente i ka përjetuar shumë keq.
Kastro ka treguar se e ëma ka dhënë shpirt në duart e tij dhe se kjo gjë e ka bërë të vuajë shumë.
“Në fakt nuk është shumë e mirë për ta thënë, sepse nuk jam rasti i parë në botë. Për fatin tim shumë të keq, ime më dha shpirt në duart e mia dhe ishte një gjë që më bëri vërtetë të lëngoja.
Se është shumë e poshtër kjo punë e njeriut që gjithmonë është i predispozuar që memoria të kujtojë gjërat më të këqija. Ky ishte kujtimi i zi dhe pastaj pasuan me mijëra kujtime të bukura”, ka deklaruar Kastro Zizo.
