Pas Algjerisë dhe Nepalit, Shqipëria renditet e treta në botë për nga numri i sulmeve kibernetike në pajisjet kompjuterike me 40.1%.
Sipas të dhënave të Kaspersky Security Network (KSN) në buletinin e sigurisë “Global Q2 2019”, raportohet se miliona përdorues të kompjuterave në Shqipëri sulmohen nga keqbërës teksa navigojnë në internet.
Tentativat për të infektuar pajisjet dhe kompjuterat ndodhin kur përdoruesi mundohet të vizitojë një ueb-faqe që është e infektuar. Një faqe e tillë, e pasigurtë, instalon në kompjuter apo pajisje skripte të ndryshme dashakeqe.
Pasi infektohet një ueb-faqe, infektohet automatikisht edhe kompjuteri që e viziton atë, në heshtje, sidomos kur kompjuteri është i pambrojtur apo nuk disponon përditësimet e fundit.
