Presidenti i Parlamentit Europian, David Sassoli është futur në karantinë pasi një anëtari stafit të tij është i prekur nga koronavirusi, megjithatë ai nuk ka shfaqur simptoma të Covid.
“Kohët e fundit kam qenë në kontakt me një anëtar të stafit tim i cili ka rezultuar pozitiv për Covid-19. Në përputhje me rregullat e emergjencës shëndetësore, u futa në vet-izolim për të kryer kontrollet e nevojshme. Jam mirë dhe nuk kam asnjë simptomë”, saktësoi përmes Twitterit, David Sassoli.
Më 23 shtator edhe Ministri i Jashtëm gjerman Heiko Maas iu nënshtrua regjimit të karantinës si një masë paraprake, pasi zbuloi se një nga oficerët e tij të mbrojtjes personale ishte prekur nga Covid.
